ဒီတစ်ခေါက်မှာတော့ ပရိသတ်ကြီးတို့အတွက် 2009 ခုနှစ်မှာ ထွက်ရှိခဲ့တဲ့ Shining Inheritance ဆိုတဲ့ ဇာတ်လမ်းလေးကို တင်ဆက်ပေးလိုက်ပါတယ်။ Moving, W, Happiness အစရှိတဲ့ ဇာတ်လမ်းတွဲတွေထဲက မင်းသမီး Han Hyo Joo, Vagabond, Mouse, Gu Family Book တို့ထဲက မင်းသား Lee Seung Gi, Temptation of an Angel, Graceful Friends, Dear X တို့ထဲက မင်းသားကြီး Bae Soo Bin, Flower of Evil, Criminal Minds, The Innocent Man ထဲမှ မင်းသမီး Moon Chae Won တို့ အဓိကပါဝင် သရုပ်ဆောင်ထားပြီး တခြား ဝါရင့်သရုပ်ဆောင်များစွာလည်း မြိုင်မြိုင်ဆိုင်ဆိုင် ပါဝင်ထားတဲ့ ဇာတ်လမ်းကာင်းလေးတစ်ပုဒ် ဖြစ်ပါတယ်။ ဇာတ်လမ်းအကျဉ်း ***************** ဖခင်ကွယ်လွန်သွားပြီးနောက် ရက်စက်လှတဲ့ မိထွေးဖြစ်သူ ဘဲ့ဆောင်းဟီးရဲ့ မတရားမောင်းထုတ်ခြင်းကို ခံခဲ့ရတဲ့ အွန်ဆောင်းဟာ ပိုင်ဆိုင်မှုအားလုံး အလုခံရရုံတင်မကဘဲ အသက်တမျှချစ်ရတဲ့ မသန်စွမ်းမောင်လေး အွန်ဝူး တစ်ယောက်ပါ သဲလွန်စမရှိ ပျောက်ဆုံးသွားခဲ့တဲ့အခါ သူမရဲ့ကမ္ဘာလေး ပျက်စီးသွားခဲ့ရပါတယ်။ တစ်နေ့မှာတော့... အစားအသောက် ကုမ္ပဏီကြီးတစ်ခုရဲ့ သူဌေးဖြစ်သူ *ဂျန်ဆုဂျာ*တစ်ယောက် အတိတ်မေ့ပြီး လမ်းဘေးရောက်နေတာကို အွန်ဆောင်းက စိတ်ရင်းမှန်နဲ့ ကယ်တင်စောင့်ရှောက်ပေးခဲ့မိပါတယ်။ ဒါပေမဲ့ အွန်ဆောင်း မသိတာတစ်ခုကတော့ အဲဒီအဘွားဟာ လေဆိပ်မှာ အိတ်မှားယူခဲ့ရာကစလို့ တွေ့တိုင်း ရန်ဖြစ်နေရတဲ့ သူဌေးသားလေး*ဆွန်းဝူဟွမ်*ရဲ့ အဘွားဖြစ်နေခြင်းပါပဲ။ တွေ့လိုက်တိုင်း တကျက်ကျက် ရန်ဖြစ်နေကြတဲ့ သူတို့နှစ်ယောက်ကြားက ဆက်ဆံရေးက ဘယ်လိုကနေ ဘယ်လို အချစ်အဖြစ် ပြောင်းလဲသွားမလဲ အွန်ဆောင်း တစ်ယောက် ပျောက်ဆုံးနေတဲ့ မောင်လေးနဲ့ ပြန်ဆုံတွေ့နိုင်မလားဆိုတာ... လျှို့ဝှက်ချက်တွေ အားပြိုင်မှုတွေနဲ့အတူ ရင်ခုန်ကြည်နူးဖွယ် ကြည့်ရှုရမယ့် ဇာတ်လမ်းကောင်းလေးမို့ ကြည့်ရှုခံစားလိုက်ကြပါဦးနော်။