ဒီစီးရီးလေးက နူးညံ့သိမ်မွေ့တဲ့ ချစ်ခြင်းမေတ္တာနဲ့ မင်းမဲ့စရိုက်တွေ တပြိုင်နက် ပေါက်ဖွားလာကာ ထိပ်တိုက်တွေ့ကြမည့် ဘီဟားမှာရှိတဲ့ ဂျာဟနာဘတ်ဆိုတဲ့ မြို့ငယ်လေးတစ်မြို့ရဲ့အကြောင်းကို ရိုက်ကူးတင်ဆက်ထားခြင်းပဲဖြစ်ပါတယ်။ ဟုတ်ပါတယ်။ ဂျာဟနာဘတ်မြို့လေးရဲ့အချစ်နဲ့စစ်ရဲ့အကြောင်းပါ။ ဒီစီးရီးလေးက SonyLIV က ထွက်ရှိခဲ့တာဖြစ်ပြီး ဖြစ်ရပ်မှန်အပေါ် အခြေခံရိုက်ကူးထားတာပဲဖြစ်ပါတယ်။ ဇာတ်လမ်းရဲ့ကျောရိုးကတော့…။ လက်နက်ကိုင်တပ်ဖွဲ့ဝင်တွေဟာ သူတို့ရဲ့တပ်မှူးကို ထောင်ကနေလွတ်အောင် စတင်ကြိုးစားနေကြတဲ့အချိန် တစ်ဖက်မှာလည်း ကောလိပ်ကျောင်းသူလေးနဲ့ ကျောင်းဆရာတို့ရဲ့အချစ်ဇာတ်လမ်းလေးဟာလည်း စတင်ပေါက်ဖွားလာနေခဲ့ပြီဖြစ်ပါတယ်။ တစ်ဖက်က စစ်နဲ့ ကျန်တစ်ဖက်က အချစ်မှာ ဘယ်အရာဟာ အောင်နိုင်မှုရရှိသွားမလဲ…။ ဒီဇာတ်လမ်းနှစ်ခုဟာ ဆက်စပ်မှုရှိလာခဲ့လေမလား…။ ဂျာဟနာဘတ်မြို့သူ၊ မြို့သားတွေရဲ့ကံကြမ္မာဟာ ဘယ်လိုဖြစ်လာမလဲဆိုတာကိုတော့ ဒီစီးရီးလေးမှာ ရင်ခုန်စိတ်လှုပ်ရှားစွာ စောင့်ကြည့်ပေးပါဦးနော်…။