ဒီတစ်ခေါက်မှာတော့ ဗီလိန်နှစ်လိန်ဖြစ်တဲ့ The Gloryထဲက ဗီလိန်မင်းသမီး Im Ji Yeonနဲ့ Islandထဲက ဗီလိန်မင်းသား Sung Joon တို့ရဲ့Casting A Spell to Youဆိုတဲ့ ကားလေးပါ။ ဇာတ်လမ်းကိုတော့ ဂျလေဘီလို ထင်ရာစိုင်းနေတဲ့ ဂျီအူဆိုတဲ့ ခပ်ဆိုးဆိုးကောင်လေးနဲ့ အစချီထားပါတယ်။ စီးပွါးရေးလုပ်ငန်းရှင်ကြီးဖြစ်တဲ့ ဂျီအူ့အဘိုးဟာ သေသွားပြီး ဂျီအူ့ကိုအမွေပေးခဲ့ပါတယ်.. အမွေကြီးကြီးမားမားရမယ်ထင်ပြီး ကိုရီးယားကိုပြန်လာတဲ့ ဂျီအူတစ်ယောက် မှန်းချက်နဲ့နှမ်းထွက် မကိုက်ခဲ့ပါဘူး… သူရတဲ့အမွေက စာအုပ်တွေနဲ့ပြည့်နေတဲ့ အဆောက်အဦးဟောင်းတစ်ခုဖြစ်နေလို့ပါပဲ… အဲဒီအဆောက်အဦးကို ဂျီအူက Barအဖြစ်ပြောင်းလဲပြီး စားဖိုမှူးအနေနဲ့ ဂျွန်ဟီးဆိုတဲ့ ကောင်မလေးကို ခန့်ခဲ့ပါတယ်… ဂျွန်ဟီးကတော့ ပြင်သစ်မှာ အချက်အပြုတ်ဆိုင်ရာ ကျောင်းတက်ဖို့ ပိုက်ဆံစုပြီး အားခဲနေသူလေးပေါ့… ကျောင်းစရိတ်တွေကို လိမ်ခံလိုက်ရတဲ့ ဂျွန်ဟီးကလည်း ပိုက်ဆံပြန်စုဖို့ ဂျီအူ့ရဲ့ဘားမှာ အလုပ်ဝင်လုပ်ခဲ့တာပါ… သူတို့ရဲ့Barဟာ အများနဲ့မတူဘဲ “Siesta”ဆိုတဲ့အမည်နဲ့ ထူးထူးခြားခြားနေ့ခင်းမှာပဲဖွင့်တဲ့Barလေးပါ… အဲဒီBarကိုအောင်မြင်အောင် သူတို့ဘယ်လိုကြိုးစားကြမလဲ.. သူတို့အချစ်ရေးကရော ဘယ်လိုဖြစ်လာမလဲဆိုတာကိုတော့… ဆက်လက်ခံစားကြည့်ရှုကြပါဦး