IMDB rating 6.1/10 ရရှိထားတဲ့ အသစ်ထွက် ongoing Crime/Drama စီးရီးလေးတစ်ခုနဲ့ မိတ်ဆက်ပေးချင်ပါတယ်။ ၂၀၀၃ခုနှစ်ကို အခြေတည် ရိုက်ကူးထားတာဖြစ်ပြီး တစ်ပတ်ကိုတစ်ပိုင်းနှုန်းနဲ့အပိုင်း ၈ ပိုင်းထွက်ရှိမှာပါ။ မင်းသမီးချောလေး Chase Sui Wonders (Bodies Bodies Bodies/Generation)၊ မင်းသားချောလေး Wyatt Oleff (I Am Not Okay With This/ITStanley Urisဇာတ်ကောင်)နဲ့ မင်းသမီးချော Jemima Kirke (Girls/Conversations with Friends)တို့က အဓိကပါဝင်သရုပ်ဆောင်ထားကြတာပါ။ ဇာတ်လမ်းအကျဉ်း ဆမ်ကလွတ်လပ်ပြီး ပျော်ပျော်နေတတ်တဲ့၊ ဂီတကိုရူးသွပ်တဲ့ ပေါ့ပေါ့ပါးပါးတက္ကသိုလ်ကျောင်းသူလေးတစ်ယောက်ပါ။ တစ်ရက်မှာ အထက်တန်းကျောင်းတုန်းတူတူတက်ခဲ့တဲ့ ချာလီနဲ့ အမှတ်မထင်တွေ့ပြီးသူငယ်ချင်းတွေဖြစ်ခဲ့ကြပါတယ်။အဲဒီလိုနဲ့ ရှက်တတ်ပြီး အဖေဆုံးပါးသွားလို့ စိတ်ဒဏ်ရာရနေတဲ့ လူငယ်လေး ချာလီက ဆမ့်ကို တွယ်တာသွားမိတယ်ဆိုပါတော့လေ။ ဆမ်က ချာလီနဲ့မတွေ့ခင်က အိမ်ထောင်သည်ယောက်ျားတစ်ယောက်နဲ့ပတ်သက်ခဲ့ပြီး အရှုပ်အထွေးတွေဖြစ်ခဲ့တာကိုတော့ ချာလီတစ်ယောက် မသိနိုင်ခဲ့ဘူးပေါ့။ တစ်ရက်မှာတော့ ဆမ်က အိမ်ထောင်သည်ကိသ်ကို ဖုန်းခေါ်ပြီး အရေးကြီးကိစ္စတစ်ခု ပြောချင်တာကြောင့်သူနဲ့မဖြစ်မနေလာတွေ့ဖို့ ချိန်းဆိုခဲ့ပါတယ်။ အဲဒီညမှာပဲ ဆမ်က သူအားပေးတဲ့တီးဝိုင်းအဖွဲ့ကို ကလပ်မှာ လိုက်အားပေးဖို့ ချာလီ့ကို ခေါ်သွားခဲ့ပါတယ်။ ဒါပေမယ့် ကလပ်ရောက်တော့သူအရေးကြီးကိစ္စတစ်ခုရှိလို့ အမြန်ပြန်လာပါ့မယ်ဆိုပြီး ချာလီ့ကို ကလပ်မှာ တစ်ယောက်တည်းထားခဲ့ပြီး ထွက်သွားခဲ့တာမို့ ချာလီတစ်ယောက် ယောင်လည်လည်နဲ့ ကလပ်မှာ ကျန်ခဲ့ရင်း တီးဝိုင်းအဖွဲ့ကလူတွေနဲ့သိကျွမ်းသွားခဲ့တယ် ဆိုပါတော့လေ။တော်တော်နဲ့ ဆမ်ပြန်မလာလို့ ချာလီက သူပေးခဲ့တဲ့လိပ်စာအတိုင်း သွားရှာခဲ့တဲ့အချိန်မှာတော့ ဆမ်တစ်ယောက် သေနတ်အပစ်ခံရလို့ သွေးအိုင်ထဲလဲနေပါပြီ။ အဲဒါကို မြင်ပြီး ချာလီတစ်ယောက်သွေးပျက်ချောက်ချားစွာ ထွက်ပြေးသွားခဲ့ပါတော့တယ်။ ချာလီက ဘာလို့ ဆမ့်ကို သွေးအိုင်ထဲတစ်ယောက်တည်းထားခဲ့တာလဲ.. ဆမ့်ကို ဘယ်သူက သေနတ်နဲ့ပစ်သွားတာလဲ.. အိမ်ထောင်သည်ကိသ်ကိုဆမ်ပြောချင်တဲ့ အရေးကြီးကိစ္စဆိုတာရော ဘာများလဲ.. အဲဒီကိစ္စနဲ့ ဆမ် သေနတ်ပစ်ခံရတာရော ပတ်သက်နေမလား.. အိမ်ထောင်သည်ကိသ်ကရော ဆမ်ချိန်းတဲ့နေရာကို ရောက်လာခဲ့ပြီး ဆမ်နဲ့တွေ့ဆုံခဲ့သေးလား.. ဘယ်သူက ဘာအကြောင်းကြောင့် ဆမ့်ကို သေနတ်နဲ့ပစ်သွားတာလဲ.. ဆိုတာကိုတော့ ဇာတ်လမ်းကို စောင့်ကြည့်ရင်း အဖြေရှာကြည့်လိုက်ကြပါဦးနော်။