SEAL Team FHD

SEAL Team

 တိုက်တာခိုက်တာလည်းမိုက်၊ လက်တွေ့လည်းဆန်၊ ဇာတ်အိမ်လည်းကောင်းတဲ့ နာမည်ကြီးစစ်ကားစီးရီးတစ်ခုဖြစ်တဲ့ Seal Team 2017 ကိုယူဆောင်လာပေးခဲ့ပါပြီ။ Seal Team ဟာဆိုရင်‌တော့ NavySeal အထူးတပ်ဖွဲ့၀င်တွေရဲ့ အမိမြေအတွက် အန္တရာယ်များတဲ့စစ်ဆင်ရေးတွေ ဆင်နွှဲကြပုံကိုရိုက်ကူးထားတဲ့ စီးရီးတစ်ခုပဲဖြစ်ပါတယ်။ ဒီစီးရီးထဲမှာ Seal တပ်ဖွဲ့၀င်တွေရဲ့ လေ့ကျင့်မှုတွေ၊ဗျူဟာချမှတ်ပုံတွေ၊ စစ်ဆင်ရေးပြုလုပ်ပုံတွေကို ဇာတ်အိမ် ကောင်းကောင်း သရုပ်ဆောင်ကောင်းကောင်းနဲ့ ရိုက်ပြထားတဲ့အပြင် မိသားစုရေး၊ နိုင်ငံကိုသစ္စာစောင့်သိမှု၊ အဖွဲ့လိုက်လုပ်ဆောင်မှုစစ်ပွဲအကြောင်းတွေကိုလည်း ရသစုံစွာ ထည့်သွင်းရိုက်ကူးထားပါတယ်။အထူးသဖြင့် Navy Sealလိုအထူးတပ်ဖွဲ့မျိုးမှာ တာ၀န်ထမ်းဆောင်ရတဲ့ တပ်ဖွဲ့၀င်တွေရဲ့ ပရော်ဖက်ရှင်အလုပ်နဲ့ သာမန်ဘ၀အကြားမှာ ဟန်ချက်ညီမှုရရှိအောင်ကြိုးစားကြရပုံတွေကိုလည်း မြင်တွေ့ရမှာပါ။ဒါ့အပြင် ဇာတ်လမ်း စ၊လယ်၊ဆုံး တိုက်ခိုက်နေတာမဟုတ်ဘဲ ၎င်းတို့ရဲ့သာမန်ဘ၀တွေမှာ ကြုံတွေ့ရတဲ့ဒရာမာတွေကိုလည်း ထည့်သွင်းပေးထားတာမလို့ တစ်ပိုင်းနဲ့တစ်ပိုင်း ဇာတ်လမ်းအချိတ်အဆက်ကအတော်ကောင်းပါတယ်။ နောက်ထပ်စိတ်၀င်စားစရာကောင်းတဲ့အချက်ကတော့ Seal Teamရဲ့ ဇာတ်ညွှန်းကိုရေးသားရာမှာ Navy Seal တပ်ဖွဲ့၀င်အစစ်တွေရဲ့ အကူအညီကိုရယူထားပြီး ရိုက်ကူးရေးအဖွဲ့ရဲ့၇၀ရာခိုင်နှုန်းလောက်က စစ်ရေးအတွေ့အကြုံရှိတဲ့စစ်မှုထမ်းဟောင်းတွေလို့ ဆိုပါတယ်။Trent အဖြစ်သရုပ်ဆောင်ထားတဲ့ Tyler Grayဟာဆိုရင်လည်း Delta Forceရဲ့ တပ်ဖွဲ့၀င်ဟောင်းတစ်ဦးဖြစ်ပါတယ်။ IMDb 7.8 ရရှိထားတဲ့ Seal Team ဟာ အပိုင်းတိုင်းကိုဇာတ်အိမ်ကောင်းကောင်းနဲ့ အက်ရှင်နဲ့ ဒရာမာကိုအချိုးညီညီ လက်တွေ့ဆန်အောင် ပေါင်းစပ် ရိုက်ကူးထားတာကြောင့် ပရိတ်သတ်တွေရဲ့တခဲနက်ထောက်ခံအားပေးမှုကိုရရှိထားပြီး user reviewsတွေလည်းအတော်ကောင်းတာကိုတွေ့ရှိရပါတယ်။ ဒါကြောင့် ဇာတ်အိမ်ကောင်းကောင်း အက်ရှင်ကောင်းကောင်းနဲ့ Militaryစီးရီးကောင်းကောင်းကိုကြည့်ချင်တယ်ဆိုရင်တော့ ဒီစီးရီးကို‌သေချာပေါက်ကြည့်ကြည့်ဖို့ အကြံပြုလိုက်ပါတယ်။

အပိုင်းများ

Season - 1

Season - 2

Season - 3

Season - 4

Season - 5

Season - 6

Season - 7